Tel: (06)8648020      |      Fax: (06)8648023      |      info@radiongatiporou.co.nz

Te Ra mo nga Rangatahi

“Ka pū te ruha, ka hao te rangatahi.”

Te 31 o Akuhata 2017, te tau o tā tātau nei Ariki.

Hui atu ngā kura mai ngā tōpito katoa o te rohe nei mo te whakanui i te Rā Whānau Toru Tekau Tau o te Reo Irirangi Māori o Ngāti Porou. Āra, ko te kaupapa mo tēnei tau mo te whakanui i te reo irirangi ko te rangatahi, ko te whakaatu, ko te whakaako i ngā rangatahi o te Tairawhiti otira a Ngati Porou ki ngā mahi o roto i te reo irirangi. Ko ngā mahi a te Kaiwhakahaere me te Kaiwawao Putea, ngā mahi hanga waiata ngā mahi rangahau taenoa ki ngā mahi pāpāho.

Nui ake i te Ono Tekau ngā tauira i taemai mai i ngā kura o te rohe nei arā, mai i Te Kura Kaupapa Māori o Te Waiu o Ngāti Porou, Te Kura Kaupapa Māori o Kawakawa mai i Tawhiti, mai i te Kāreti o Ngata me te kura o Te Waha o Rerekohu. I whakatautia e ngā tauira i te timatatanga o te rā ,ā, i wehewehea i a rātau ki ngā rōpu e waru. I whakaritea kia haere rātau ki ngā kaupapa rerekē…

  • Mahinga-ā- Tari (Accounts & Administration) i te taha o Erana Reedy me Mereaira Jeane Waerehu.
  • Mahinga Whakaaturanga (Multimedia) i te taha o Paora Brooking.
  • Mahinga Whakaahuatanga i te taha o Natalie Robinson.
  • Mahinga Tiaki Taonga (Archive) i te taha o te rōpu mai i Ngā Taonga Sound & Vision.
  • Mahinga Pāpāho (Broadcasting) i te taha o Darlyene Rogers me Riria Dalton-Reedy

Arā ka whakaatungia i ngā mahi maha o roto i te reo irirangi, otira o roto i te ao pāpāho. A muri i ia mahinga, i reira ētahi poari me he pātai o runga e meatia mo ētahi whakaaro e pā ana ki te whakahaeretanga o te reo irirangi, pēhea e pai ai ngā mahi o roto i te reo irirangi mo te hunga rangatahi ,ā, ētahi pātai hei whakamātautau i a rātau mohiohio mo ngā mahi i whakaaturia ki a rātau. Arā, ko te tauira e tika ana, e pai ana rānei tānā nei whakautu, ka wikitoria ai rātau ētahi kākāhu mai i te reo irirangi, me ētahi waea hou mai i a 2Degrees.

Ānei wētahi whakaaro mai i ngā rangatahi.

E pēhea ai koe e whakarongo ki ētahi hōtaka reo? (Kua whakamāorihia ngā korero)

“He hōtaka whakahirahira ki runga i te reo irirangi.”

“Pai, inā ka nui ake ngā hōtaka e pā ana ki te Whutuporo me te Kapa Haka.”

 “Tētahi hōtaka tunu kai.”

“He hōtaka mo te whakangau kararehe.”

“Pāpāhotia ētahi o ngā korero mai i ngā kaumātua.”

“Ētahi waiata hou mai ngā rangatahi no Ngāti Porou tonu.”

Kia Ora e te Iwi.

Share on facebook
Facebook
Share on google
Google+
Share on twitter
Twitter
Share on linkedin
LinkedIn

SEARCH

RNP LATEST NEWS

logo_blue

 ©opyright 2019. All rights reserved.

Terms of Use    |      Register For Access   |      Advertising    

%d bloggers like this: